Published on 30-03-2019
彼岸控股（02885）又係聽個名都唔知佢做乜，睇招股書介紹，就話在中國及香港從事提供熱成像產品及服務、自穩定成像產品及服務和通用航空產品及服務，當中熱成像產品及服務佔收入近六成半，係主要收入來源。
熱成像產品又係咩呢? 即係你睇鐵血戰士可以見到佢身體又藍又橙畫面的東西。彼岸控股既代表作，就係沙士個時整左舊紅外線體温監測系統出黎，去監測下人群中有無邊個啲體温異常，以作防疫之用。
彼岸控股1月11日上市的時候，招股價係1.25元，但佢首日最高都係做過1.20元，跟住就開始潛水，跌左足足一半。早兩三個禮拜，終於開始觸底，係0.60元至0.65元橫行，而周三更突然在大成交底下，升左超過一成。
彼岸控股1月11日上市的時候，招股價係1.25元，但佢首日最高都係做過1.20元，跟住就開始潛水，跌左足足一半。早兩三個禮拜，終於開始觸底，係0.60元至0.65元橫行，而周三更突然在大成交底下，升左超過一成。
睇返成交紀錄，0.67元到0.68元的成交佔比最大，分別有8球及9球的交投，通常隻股跌左咁耐，都無咩人留意，而交易額突然飆升，好大機會短期底已見，係時候黎一波反彈。現價又係佢最大成交個位，我認為都幾值得跟進。同埋，佢上時市招股冷淡，應該要沽既貨都沽左，保薦人又係往績唔錯的國泰君安，所以呢隻股絕對有得炒。
股壇潘安
Email: panan201810@gmail.com
本文僅屬個人研究，不構成任何投資建議。
