【與股同行】智能家居概念股美的置業

Published on 31-03-2019

「唉…我要呀…唉…我要呀…我要美的呀!」唔知大家有無睇過呢個由李莉莉領銜主演既「重口味」廣告，如果無既話，不妨上網揾揾，一暏呢位90年代有「阿伯殺手」之稱既「女星」風采，但切記慎入。今次想講既當然唔係呢位「美女」，而係美的呢間公司。

美的第一印象俾人通常都係冷氣同家電咁，但其實佢都有涉獵到地產。內地家用電器企業美的集團（000333.SZ）控股股東旗下的房地產開發商美的置業（03990）就喺舊年10月上左市，主打二線、三線及四線既城市，佈局喺珠江三角洲、長江三角洲、長江中游、環渤海及中國西南經濟區五大地區。

美的置業既最大優勢係背靠美的集團，所以佢地可以將啲地產項目融合智慧家居解決方案出售，令到有較高的溢價。同時，受惠於「美的」品牌，其融資成本較低，截至2018年3月31日止三個月，借貸總額（包括銀行及其化借款和公司債券）的加權平均實際利率都只係5.6%，相對同業低。

智能家居可以話係未來的大趨勢，小米（01810）咁低價賣手機都係為左爭奪呢個市場，相信將來都係兵家必爭之地。據Strategy Analytics的報告，全球智慧家居市場2017年收益達到840億美元，較2016年的720億美元增長16%，而研究報告 “2018年全球智慧家居市場預測”顯示，2018年全球智慧家居包括設備，系統和服務消費支出總額將接近960億美元，且在未來5年的（2018－2023年）年複合增長率為10％，到2023年將增長至1550億美元。