【與股同行】港股線上教育第一股新東方在綫

Published on 06-04-2019

教育股呢期明顯有勢,日前喺《通告易》提過嘅楓葉教育(01317),過去兩日就已經抽升咗一成三,成功補回去年11月中,因國務院發布關於學前教育深化改革規範發展的若干意見時,所產生的下跌裂口。

成也政策,敗也政策,一向都係教育股板塊的特色。日前,教育部、財政部就「雙高計畫」印發《關於實施中國特色高水準高職學校和專業建設計畫的意見》,就成功為這個沉寂咗一排的教育股重新注入動力。

目前,上市的教育股眾多,要分清邊隻搞學前,邊隻搞高等教育,其實真係「唔係咁易㗎,葉師傅。」所以,具特色的股份相信往往有一定優勢,起碼容易令人記得先。好似,講起最近上市的新東方在綫(01797),你就會諗起佢係第一隻在港上市的線上教育股。


( 圖片來源:新東方在綫網頁)

又會令你諗起黃曉明,因為想當年陳可辛嗰套《中國合伙人》,就係取材於新東方學校嗰3條友既創業史。不過,佢最大賣點都唔係呢樣?最大賣點係佢嘅第二大股東意像架構,其實係騰訊(00700)嘅附屬公司。有留意股市都知,最近沾到騰訊邊嘅股份都升到上天,好似微盟(02013)同中國有贊(08083)就係今期紅人。所以,呢啲騰訊週邊股絕對值得留意。

《中國合伙人》 電影劇照

新東方在綫(01797)招股價介乎9.30至11.10元,最後以10.20元定價,超額只有9.18倍,唔算熱烈。禮拜四收盤價11.02元,都仲係喺個招股價範圍徘徊。過去幾日最大的成交價就係11元,4月1日至4日,呢個價位分別成交咗1.28M、1.08M、2.16M同2.17M,相信11元就係分水嶺,應該有唔錯的承托。宜家貼近呢個價,仲要加埋呢期最熱的騰訊同教育股概念,深信絕對值得博!!

股壇潘安

Email: panan201810@gmail.com

本文僅屬個人研究,不構成任何投資建議。

More Stories
股中人早點(2022/03/18)