【與股同行】中國旭陽集團唔係煤炭股咁簡單

煤炭股上市其實真係唔多吸引,因為市場對呢啲舊經濟股基本上都唔會有咩幻想,不過最近上市既中國旭陽集團(01907)似乎又有啲唔同,佢本身係內地的焦炭、焦化產品和精細化工產品綜合生產商及供應商。

集團主要將焦煤通過高溫碳化的方式煉出焦炭,然後將焦炭賣俾鋼鐵生產商。同時,由於焦煤轉變為焦炭的過程中,會分離出許多化合物,如煤焦油、煤焦油瀝青、焦爐煤氣、天然氣、甲醇等等煤化產品,所以公司亦為這類產品的供應商。

( 圖片來源:中國旭陽集團網頁)

目前,碳化過程中產生的煤氣外銷比例不大,有一半都係留在生產基地當燃料,惟煤氣中氫氣含量達到58%,比例遠高於甲烷(天然氣)的23%。若內地氫氣市場起飛且價格上升,旭陽可調整產品結構。

氫氣在氧氣中燃燒可以生成水,同時並不會產生任何其他副產物,所以係非常理常的潔淨能源。國務院2019年的《政府工作報告》就首次將氫能寫入報告,提出“推進充電、加氫等設施建設”。

按照《中國氫能產業基礎設施發展藍皮書》提出的目標,到2020年,中國燃料電池車輛要達到1萬輛、加氫站數量達到100座,行業總產值達到3000億元;到2030年,燃料電池車輛保有量要“撞線”200萬,加氫站數量達到1000座,產業產值將突破1萬億元。

由於燃料電池汽車是當下氫能應用的主要形式之一,所以如果内地推廣的氫能源汽車成為潮流,中國旭陽集團就可以食正條水。集團戰略規劃部總經理孫長江就表示,雖然氫能現時只是公司「比較宏偉的構想」,但旭陽的氫氣年產量足夠200萬輛氫氣乘用車使用一年。

其實,內地的氫能概念股就已經大炒,京城股份(600860)、厚普股份(300471)及美錦能源(000723)等,耐不耐就漲停,所以其實中國旭陽集團都唔係無故仔可炒。呢隻股最得意的地方係,盤中成日突然間衝高回落,最誇張試過日中高見3.80元後,可以掉頭去返3.06元收市,差成24%!!禮拜五收就3.1元,距招股價2.8元都唔係差好多,買入去博下大霧,話唔埋即日已經可以食糊。

股壇潘安

Email: panan201810@gmail.com

本文僅屬個人研究,不構成任何投資建議。

More Stories
股中人早點(2021/02/25)