Published on 23-06-2019
中煙香港（06055）掛牌，即揭開港股的打新熱潮，貴為中國煙草總公司的全資附屬公司，可以話不負眾望，上市第三日已經高見9.20元，較招股價4.88元，炒高88.5%!! 不過，同屬大陸幫的日照港裕廊（06117）仲火，單日已經將呢個佳績一嘢K.O.，首掛當天即炒高2.67倍，最抵死既係佢唔係大幅高開，只係以1.60元街坊價平開（招股價: 1.50元）。呢隻股仲要係認購不足，有買既話，都幾可肯定放工可以去HAPPY!!
上面嗰百九幾字說明咗咩? 咪就係近期啲半新股，真的有種「大師兄返嚟啦！」的感覺。雖然，唔知今次有幾多人真係食到應一應，但自己就睇到好有生理反應，個拳頭硬鬼晒!!
既然錯過，不如揾過。唯有趁市旺，睇吓有無啲新股，可以幫幫手啦!! 環顧咁多隻IPO，似乎中國東方教育（00667）最似樣，一來佢係近期炒得最勁既大陸幫，二來佢同照港裕廊一樣認購不足，三來佢未浮返上水面。仲有就係，佢市值唔細，呢期炒得勁既都唔係啲細嘢。
中國東方教育係內地最大既職訓學校，主要環繞四大範疇：烹飪技術、訊息技術、互聯網技術，以及汽車服務。有別於其他學前教育或者牽涉到民生的學校，政策風險相對較少。
法巴為今次集團上市的保薦人，睇返持倉情況，上市至今不但沒有減持，仲由原先佔比的3.41%增至5.88%，似乎仲未派「散水餅」。同時，緊隨其後既係滙豐，有3.96%，很多人見到HSBC都以為係散戶持倉，但其實好多基金都係用「5號仔」做Custodian，而呢隻股份仲要超過200億，有理由相信其實都有啲基金正在儲貨。以宜家收市只係10.9元嚟睇，招股價11.25元都未到，我覺得非常值博!!
股壇潘安
Email: panan201810@gmail.com
本文僅屬個人研究，不構成任何投資建議。
