Published on 16-09-2019
勛龍汽車（01930）呢個名雖然好易令人聯想到最近翻生既汽車股，不過佢其實唔係賣車，主要業務係銷售模具，佔集團收入94%，當中約兩成四來自家電產品，七成就靠汽車模具，而熱壓模具銷售就佔汽車模具超過八成。
熱壓其實係一種輕量科技，可以減輕汽車零件既重量，能夠節省能源及成本既同時，又不損安全性及性能。勛龍最主要客戶（佔集團收入逾三成）就係全球最大汽車熱壓零組件供應商西班牙海斯坦普海斯坦普（Gestamp），去年Gestamp既營收就大約有85億歐羅。
撇除歐美市場，海斯坦普最大市場就是中國，而在中國唯一選擇的熱壓汽車零組件模具供應商就是勛龍，其生產的零件最終就係供應給BMW、賓士、奧迪等車廠。勛龍雖然規模不大，但叫做可以跟住客戶一齊成長，2018年營收2.17億元（人民幣‧下同），相對16年1.31億元，增幅超過六成五。
值得注意的是，不單止汽車零件業務勛龍泊到好碼頭，家電業務方面，中國家電巨頭海信、鴻海集團的夏普等知名家電品牌，亦都係佢既客戶。由此可以得知，勛龍其實喺做模具既範疇都做得幾出色。
截至今年6月底，集團收益為1.14億元，按年升32%; 撇除上市開支，半年多賺28.9%至1610萬元，業績可以話有中上的表現。股價方面，勛龍橫行咗兩個月之後，終於喺9月出現突破，升穿咗區間頂部。股價儲咗咁耐力先爆上，相信宜家只是剛開始，夠晒條件再去多浸。
股壇潘安
Email: panan201810@gmail.com
本文僅屬個人研究，不構成任何投資建議。
