Published on 30-03-2019
五谷磨房（01837）上市既時候，其實聽個名真係唔知佢做乜，可能係自己孤陋寡聞，睇返啲資料先發現原來是內地第二大的天然食品公司，而且仲有中國「桂格麥片」的稱號。雖然個「朵」聽落好似好響，但招股反應又係好冷清，只超額1.44倍，首日仲要較招股價低成兩毫子，以1.42元收市。
留意呢隻股票，只係因為見到佢破頂，隨便望望，點知睇到啲野都幾得意，就係上市兩個月鬆啲就出現回購，即用公司錢喺市場到食返自己啲股票，理由是「董事會相信，股份的交易價格一直重大低估了本公司的表現及潛在價值。」我唔明的地方係，招股價係1.62至2.10元，你回購前的收市價都係講近1.51元，咁又有幾重大低估公司呢? 而且又唔係上左好耐。
集資嗰時，又話用啲錢黎「升級綜合分銷平台並優化渠道組合；在廣東省廣州市興建南沙生產基地，並為此規劃加工設施採購機器和設備；用作營運資金及一般公司用途。」乜乜物物，點解宜家轉過頭又會變左買自己啲股票?
不過，睇返股權變動，原來唔單止董事會睇唔過眼，要係MARKET掃返啲股票，就連大股東楊卓亞似乎都嫌公司股價太過低殘，一於身體力行，俾公司更有先見之明，喺年廿七就辦定年貨，用1.4948元買定兩百幾萬「桂格麥片」過年。既然睇到公司咁上下一心，我相信呢隻股票大有「錢」景。
股壇潘安
Email: panan201810@gmail.com
本文僅屬個人研究，不構成任何投資建議。
