Published on 30-03-2019
呢期啲車股好似有返啲勢，既然係咁，不如揀返隻相關新股博下大霧，睇下有無1Q食，爽吓算。最近期上既，就有隻做重型卡車裝飾零部件的天瑞汽車內飾（06162），銷售產品包括儀錶板、頂篷、擋泥板及地板墊等。
根據弗若斯特沙利文報告，按重型卡車內飾產品銷售額計，天瑞汽車內飾是中國西北最大的重型卡車內飾產品製造商（2017年市場份額達62.7%）及中國的第三大製造商（2017年市場份額達10.8%）; 及按汽車內飾產品的銷售額計，為中國西北第二大汽車內飾產品製造商（2017年市場份額達15.6%）及中國第十四大製造商（2017年市場份額達0.4%）。
天瑞汽車內飾1月中以0.25元上市，首日高見0.265元後就掉頭，唔夠一個月股價已經腰斬，低見0.135元，近日才有點喘定跡象。佢上市既時候，都係講近得5億市值，集資1.25億到，宜家更只係得返唔夠3億Market Cap。主板黎講，都可以叫做細細粒（温馨提示: 唔係《老表》個細細粒）容易食。
其實上面講既公司背景同資料都可以不理，因為宜家都係但求揾「一夜夫妻」，所以基本上你都唔會問人係邊到返工，做近乜野，揾幾錢人工…最重要係現價「進入」，值「扑」率都幾高。自己就會用0.140元做過止蝕去博，因為暫時個價位都係呢兩日既低位。睇返近日成交，0.142元同0.144元都比較活躍，希望呢批貨係買黎抄底博上啦，有十零廿個%都夠皮走啦。
股壇潘安
Email: panan201810@gmail.com
