【與股同行】「安兔兔」的朋友魯大師

Published on 10-10-2019

面對著AASTOCKS個新股頻道清單,發現除咗物管股鑫苑物業(01895)及「鞋王」百麗分拆的滔搏國際(06110)叫做有點認識外,其他都唔係好知係乜。不過,當中360魯大師(03601)呢個名確實吸睛,容易惹人注目。

Source: 互聯網

上網Google吓,原來魯大師係內地都非常出名,只係自己孤陋寡聞,佢其實就係類似「安兔兔」的軟件,為個人電腦╱智能手機提供硬件和系統評測及監控。透過向用戶提供免費工具軟件,從而賣廣告賺取收入。

Source: 互聯網

呢隻股相信會係近期既新股黑馬,佢招股總共超額咗277.36倍,上一次超額逾百倍既中煙(06055),都只係超購咗102.04倍,可想而知,魯大師掛牌幾咁受人關注。佢創辦人魯錦,當年憑風靡一時的「Windows優化大師」,被業內稱為「中國優化第一人」。其後,魯錦因「魯大師」加盟咗360「起飛計畫」(是一項由中國互聯網業三位著名風險投資人——紅杉中國合夥人沈南鵬、高原資本合夥人塗鴻川、360公司董事長周鴻禕共同發起的聯合投資計畫),成為奇虎公司旗下的產品而淡出。

根據弗若斯特沙利文,截至去年底,就用戶基礎而言,魯大師係內地最大的個人電腦及智能手機硬件和系統評測及監控解決方案供應商,其於個人電腦及移動設備每月活躍用戶市場份額分別為98 .8%及58 .9%。盈利係過去一年亦都翻了一番,股東應佔純利由2016年的3170萬元人民幣增加至舊年既7190萬元人民幣。

只有7億多市值既佢,要炒起確實唔難,睇輝立暗盤價,已經飆升咗1.05元(38.9%),以3.75元收市,呢隻股份絶對係炒鬼之選,大家睇路啦,有勢就追,完!!

股壇潘安

Email: panan201810@gmail.com

本文僅屬個人研究,不構成任何投資建議。

More Stories
【戰報】Peter Wright首奪PDC世錦賽冠軍 史上第九人