【與股同行】體育用品股:滔搏vs 寶勝

Published on 28-10-2019

大市忽龍忽蟲,入市資金都非常謹慎,個多月嚟整體交投都未曾觸及千億元,炒既股亦愈來愈窄,唔係物管,就係內需,好似最近咸魚翻生的汽車股,同埋一直熱炒的體育用品股。由此路進,有母企百麗撐腰,同屬內需股既滔搏(06110)理應熱炒,但為何佢10蚊樓上就行人止步呢?

Source: 互聯網

睇返中期業績,會發現逾9成銷售收入來自分銷Nike同Adidas既佢,其實表現都唔錯,半年收入就增加咗12.4%,去到169.58億元(人民幣‧下同),扣除上市等非經常性開支既利潤則有15.35億元,較去年同期上升兩成半。不過,佢對手寶勝國際(03813),似乎更略勝一籌。

Source: 互聯網

寶勝國際上半年既營業收入按年增加19.4%至133.72億元,股東應佔溢利就多賺近四成至4.27億元。8月中公布業績至今,股價就升咗超過三成,咁好明顯條街對佢既業績都非常收貨。上個禮拜五又再創歷史新高,升到去2.86元(港元‧下同)。

新股可以愈升愈有,最主要原因就係無蟹貨,宜家寶勝都升到去歷史新高,同樣地無蟹貨,而論市值滔搏係580億,寶勝只得150億。寶勝市值細,業績佳,咁同性質既股票,炒寶勝唔炒滔搏,似乎都幾合理。

股壇潘安

Email: panan201810@gmail.com

本文僅屬個人研究,不構成任何投資建議。

More Stories
【美股遐觀】2021美股核心推介