Published on 11-11-2019
臨近冬天，市場都好鍾意炒吓燃氣股、煤股或者波司登呢啲季節性股份，而最近就有隻「食正」呢類型題材既新股上市。呢間叫春城熱力（01853）的公司，主要收入來源就正正是來自受天氣影響較顯著的業務，供熱及送熱。
佢位處既東北部吉林省，氣溫長期嚴寒。每年11月至2月期間，都會錄得攝氏零下氣溫，冬季更有機會達到零下二十度。熱力對當地市民嚟講，已經成為生活必須品。春城熱力從事相關業務，無疑就
「合曬何車」 ，而公司更加係該省一哥。
根據弗若斯特沙利文行業研究報告，2018年，其供熱服務面積為38.5百萬平方米，分別佔吉林省和長春市總供熱服務面積的6.3%及15.4%。公司客戶群由2016年底約26萬人次，增至今年3月底逾
30萬人次 ，升幅約一成半。
一間季節性咁明顯既公司，到入冬有番炒作一啲都唔出奇，而最重要既係，國家隊都開始做嘢，本身已係股東既中央滙金喺上星三再以平均價 2.10元增持32.25萬股，令持股比例進一步提升至26.11%。目前，春城熱力距招股價2.35元，只有一步之遙，蟹貨阻力即將解除，相信破頂指日可待!!
股壇潘安
Email: panan201810@gmail.com
本文僅屬個人研究，不構成任何投資建議。
