【與股同行】小注博兩隻半新股

Published on 03-02-2019

港股10月份已變成「沒有娘的孩子 」— — 只有跌(爹),短短兩個星期就無左二千幾點。上星期五(12日)嗰五百幾點技術反彈,都只是補到部份下跌裂口,一浪低於一浪的走勢未見到有任何扭轉的跡象。呢段時間買入高Beta既股份,可以話只有捱打。

靠邊站持現金或者是上策,不過對炒鬼來講,就非常煎熬。有人或者會以小注博衍生工具過下手癮,但筆者就傾向以半新股解悶。雖然呢排好多新股首日上市即潛,好似長雄(幫《100毛》上市嗰間)包銷的高奧士國際(08042)第一日收市就較招股價低兩成八,但其實都有個別股份幾硬淨,值得尊重。

其中一隻是WAC Holdings(08619),它於9月中上市,主要在香港從事建築工程顧問,當時招股價為0.20元,超額約13.56倍,最高曾炒至0.99元,然後喺高位反覆徘徊。金利豐為最大持股的券商,一度由上月中的5.41%增持至7.37%,而最新持倉則佔已發行股本的6.85%,減持部份轉左去中國泛海。

(圖片:WAC網頁)

近兩個交易日在場內亦有所動作,上周四喺0.78及0.79大手排沽後,即有主動買盤接貨,分別有5球及1球股份成交。到周五情況不變,大宗成交的價格更進一步推高至0.83及0.84,有2.5球及0.5球的交易。究竟會唔會再向上推高,並有所動作值得關注,暫時睇股價跌時成交少,升時成交多,似乎仍是健康發展,先以0.79作止蝕博上,值博率頗高。

另外,恒指大跌900多點那天,更有一隻半新股創出上市新高,無視大市氣氛,呢隻就喺精雅印刷集團(08391)。佢喺5月11日以0.60元招股上市,認購不算熱烈,只超額7.94倍。於7月中低見0.265元後就開始發力,呈一浪高於一浪的勢頭往上衝。

(圖片:精雅印刷網頁)

睇返早前的走勢,都係整固兩至三個星期就向上發展,最近一次喺0.90元至1.00元徘徊後,又再破位創新高。目前,已經沒有頂可估,價升量沒有放大,意味沽壓唔係好重,可能仲有一波可以走。策略上,就以周三收市價1.07元作為防守,再向上博吧!

股壇潘安

本文僅屬個人研究,不構成任何投資建議。

More Stories
股中人早點(2021/10/05)